Brighton

Jæja gott fólk. Ég fór í helgarferð með vinnunni í apríl til Brighton. Mikið svakalega var gaman, ég hafði engar væntingar, mætti bara á staðinn til að njóta.

Veðrið var gott alla dagana, þungbúið en létti til inn á milli. 

Götur og búðargluggar voru fallega skreytt, það kom skemmtilega á óvart

Sumar götur höfðu fullt af fólki og varningi frá búðum sem flæddu út á stétt en svo voru aðrar þar sem ekki var hræða á ferli.

Hótelið okkar var alveg frábærlega vel staðsett, stutt í allt og aldrei þörf á að nota leigubíl eða strætó.

Ströndin var til dæmis í 5 mínútna göngu frá hóteli.

Það var allt einhvern veginn svo afslappað, voffar á barnum og íkornar í almenningsgarði.

Allir fengu nóg að borða og drekka :)

Allskonar búðir heilluðu mig og ferðafélagana. 

Auðvitað keypti ég garn sem minjagrip. Hlakka til að gera eitthvað flott úr því. Ég gleymdi að taka myndir úr garnbúðinni en heimasíðan er YAK í Brighton

Kastalann má enginn láta fram hjá sér fara og vel þess virði að borga sig inn til að skoða herlegheitin innandyra.

Ekki spurning: ef þig langar til að fá England beint í æð þá er Brighton málið :)

Þar til næst

x

Páskalambið

 

Þessi var prjónuð rétt fyrir páska. Marr verður eitthvað svo kindarlegur...bara eins og kind!

Uppskrift er frí á Ravelry.com og heitir baa ble hat. Smart garn og prjónar #3,5

Ég er annars búin að vera súper busy síðustu daga því ég skellti mér á kúrs í Listaháskólanum. Það er búið að vera svo skemmtilegt. Kannski maður fari bara að breytast í menningavita eftir það allt saman :)

Þar til næst, eigið góðan dag.

 

Posted with Blogsy

Svart / hvítt

 

Var að klára þessa sokka á Litlamann. Ég er svolítið upptekin þessa dagana að nota upp garnafganga. Stroffið er úr Lanett - held ég - en leistinn sjálfur er úr hnykli sem varð eftir þegar ég var fyrst að komast upp á lag með að gera sokka. Garnið er frá Marks&kattens og er þrusugott. Hérna eru "gömlu" sokkarnir, ég hef hent þeim í þvottavél og Voila! alveg eins og nýir.

Þar til næst

X

 

 

Posted with Blogsy

Sagan endalausa

 

Grínlaust þá hélt ég að ég myndi ekki hafa það af að ljúka við þessa vettlinga. Byrjaði á þeim í janúar í samprjóni í vettlingagrúbbunni á Ravelry.com og náði að halda í við hópinn. En allir endarnir sem þurfti að ganga frá. Það er hægt að prjóna endana jafnharðan inn í en ég hef ekki komist upp á lag með það ennþá.

Ég notaði garnafganga og prjóna #2,5 og þeir passa skínandi vel á kvenmannshönd. Uppskriftin heitir Mosaikk og fékk hönnuðinn innblástur úr ævintýrum 1001 nætur. Upskriftina er að sjálfsögðu hægt að fá á uppáhaldsvefnum mínum Ravelry.com

Þar til næst

XXX

 

Posted with Blogsy

Föstudagurinn langi

Þegar ég var barn var föstudagurinn langi mjög langur. Einhvern veginn komst maður þó í gegnum hann, í minningunni aðallega með því að hafa ofan af fyrir sér sjálfur með kubba- eða barbieleik.

Á unglingsárum lokaði maður sig inni í herbergi og hlustaði á tónlist af kassettum eða grúfði sig ofan í bók. Seinna meir fór maður í ferðalög með kristilegu starfi en svo á eigin vegum til dæmis í bústað og þeyttist um allar trissur.

Í dag kann ég að meta friðinn sem fylgir dymbilviku. Það er þó ekki svo að hér sé látlaus friður, nei, nei, ég heyri óm frá bíómyndum og tölvuleikjum en svo inn á milli fellur allt í dúnalogn og allir að slaka á hver á sinn máta.

Friðarkveðja

XXX

 

Posted with Blogsy

Vorboði

Fyrir 14 dögum fengum við Litlimann þá grillu í höfuðið að sá fræjum fyrir sumarið. Við keyptum okkur fræ í Garðheimum (á útsölu) og nýttum sunnudagskvöldið í að koma þessu fyrir. Við settum baunir, blóma- og kryddfræ niður til að byrja með. Litlamann finnst þetta spennandi. Hann hefur verið mjög samviskusamur að vökva á hverjum degi þegar hann kemur heim eftir skóla. 

Og núna lítur stofuglugginn minn svona út. Lofar góðu.

Baunagras

Butterfly Blues Cornflowers

Þar til næst

XXX

Vor í lofti

Ég var að ljúka við sokka en uppskriftin er úr bókinni Sokkaprjón. Ég notaði Kambgarn en prjóna nr. 2,5. Gerði einnig úrtöku á tá á hliðum, finnst ekki passa að nota hvirfilúrtöku í sokka, amk. ekki á þessu pari.

Er að prjóna húfu á mig núna. Er alltaf að ruglast í mynstrinu svo að ég þarf að taka pásu eftir tvær umferðir og telja reglulega.

Annars hafa dagarnir gengið sinn vanagang. Hef verið óvenjulega þreytt og bara lagt mig þegar ég hef komið heim úr vinnu. Drattaðist þó í að baka bananabrauð einn daginn. Jummí, besta uppskriftin að bananabrauði hingað til. http://grgs.is/2013/11/13/bananabraudid-sem-bornin-elska/

 

 

Það líður samt að páskum, hlakka svo til vorsins :)

 

Þar til næst

X

 

 

 

 

Posted with Blogsy