Síðan síðast...

Úff púff...mikið svakalega líður tíminn hratt. Ég dembi hér inn myndum síðustu mánaða. Viðburðaríkir og margt spennandi inn í gráum hversdagsleikanum.

Oktober var sérstaklega mildur í veðri og litadýrðin var stórfengleg, þetta var útsýnið einn morgunn þegar ég var að drekka teið mitt. 

Sundmót hjá drottningunni og nú er Litlimann líka farinn að keppa. Þá er nú gott að hafa prjónana með. Hérna er ég að vinna í Stephen West sjali sem vonandi mér tekst að ljúka sem fyrst á nýju ári.

Náttúran er sko ekki svört/hvít á landinu okkar. Ég fór í stuttar en góðar gönguferðir á Reykjanesinu. Merkilegt hvað það heillar mig allt það smáa i umhverfinu. Þessa sveppi fann ég við fjallið Þorbjörn.

Litlamann -sem er nú ekki svo lítill lengur- hafði saman að gönguferðum líka

Síminn minn er fullur af allskonar mannamyndum sem teknar voru í október, og ætla ég bara að hlífa ykkur (og fólkinu mínu) við myndbirtingum hér. Þessi mynd er mjög lýsandi um þær ...þarna má sjá mig fyrir miðju með prjónana út úr hausnum...    :)

Náði að ljúka við enn eitt sjalið en á því miður ekki góða mynd af því. Garnið keypti ég í Helsinki í sumar og heitir Tukuwool og líkist íslenska einbandinu. Uppskriftin heitir Puddle Stomper eftir Kirsten Kapur. 

Nóvember var aftur á móti mjög svo blautur og dimmur mánuður. Svona var útsýnið út um gluggann nokkra daga í röð. 

Þá er nú gott að hafa eitthvað fyrir stafni innandyra og ég skellti mér í kúrs í Listaháskólanum. Þetta er annar kúrsinn sem ég fer í á þessu ári og leyfist mér að segja að þetta er svo gaman. Kynnast nýjum aðferðum, víkka sjóndeildarhringinn og hitta nýtt fólk. Þetta er svolítil aukavinna og tekur á að vinna út fyrir þægindarammann en ég er að fíla það!

Sko þetta gat ég í !!!

Af einhverjum dularfullum ástæðum komst mús inn i kjallarann hjá okkur í október. Jæks, þá upphófust músaveiðar en ekki nóg með það heldur fundust líka mýs (fleirtala!) í vinnunni. Sögur bárust af fleiri músum og það má segja að það hafa farið að birtast mýs á ólíklegustu stöðum.

Litlimann átti svo 8 ára afmæli í nóvember. Húrra! Ákveðið var að hafa Harry Potter þema í veislunni og var okkar maður nokkur sáttur.

Aðventan leið á ógnarhraða með miklu amstri en til mikillar gleði á þessum bæ fór loks að snjóa rétt fyrir jól.

Mýslunum fjölgaði hér en sem betur fer bara þeim sem voru prjónaðar. Ef þú vilt spreyta þig í að búa þessar til þá heita þær Christmas mouse á Ravelry og uppskriftin er fríkeypis.

Þessir vettlingar rötuðu í jólapakka þessi jólin og þeir eru ofurkrúttaðir. Uppskriftina er hægt að finna í norskri vettlingabók sem ég man bara því miður ekki hvað heitir en hana fékk ég lánaða á bókasafninu.

Við missum okkur ekkert hér í bakstri fyrir jólin hér á þessum bæ en það er nú eiginlega skylda að skutla i eina sort. Ekki satt?

Við erum svona meira fyrir að láta aðra sjá um þetta fyrir okkur. 

Að lokum...

...óska ég þér gleðilegrar hátíðar og vona að nýja árið verði þér gæfuríkt með spennandi ævintýrum á hverju götuhorni.

XXX

Vettlingar

 

Í nóvember tók ég þátt í samprjóni í vettlingagrúbbu á Raverly. Byrjaði á að prjóna með Smart garni og var komin langleiðina með þá en þá litu þeir meira út eins og lúffur og hefðu passað á skessu. Byrjaði aftur með Baby garni og prjóna nr. 2 1/2. Þá gekk betur og þeir smellpassa á kvenmannshendur. Sendi vettlingana ásamt íslensku konfekti til ættingja í New York. Held það hafi verið nokkuð góð jólagjöf.

Vettlingauppskriftina má nálgast á Ravelry og heita þeir Southernmost mittens eftir Ericu Mount.

 

 

 

Posted with Blogsy

Búin að öllu...

" Ertu búin að öllu fyrir jólin? " er spurning sem hljómar gjarnan rétt fyrir hátíðir. Svo var sagt við mig" Heyrðu, mér finnst þú vera svona týpan sem prjónar á alla, bakar nokkrar sortir og sýður þitt eigið rauðkál ..."

 

Ha?!? Umm, nei ég er EKKI hún. Vildi svo sannarlega það væri raunin en það eru ófá skiptin á aðventu sem ég hef verið á barmi taugaáfalls. Það er nú bara þannig að mig langar til að hafa kósí og nice og vera ekki að taka þátt í hlaupinu en það tekur stundum bara heilmikið á að vera á bremsunni, ef þið vitið hvað ég á við.

 

Og grínlaust, það er nú bara fullt jobb að passa upp á að standa sína plikt sem foreldri. Jólasýning. Jólamót. Jólabingó. Jólaball. Jólanesti. Þetta er endalaust.

En svo gefst tími inn á milli til þess sem mig langar til að sé gert, mín prívat Litlu-jól. Í dag náðist slík stund. Ég útbjó litla skreytingu á leiði pabba og við brunuðum í garðinn til að koma henni fyrir. Yndislegt veður og góð stund sem skiptir svo miklu máli fyrir sálartetrið.

Eigið góðan dag, gott fólk.

XXX

 

Posted with Blogsy

Við sækjum jólatréð

Hér á þessum bæ er engin hefð með jólatréð. Stundum notum við plast tréð sem okkur var gefið um árið notað. Það er svo raunverulegt að það fellir plast -barrið og þarf að ryksuga allt þegar það hefur verið skreytt og sömuleiðis þegar það er tekið niður í janúar. Stundum höfum við keypt jólatré af góðgerðarsamtökum en 2012 fórum við og sóttum tré í Vindáshlíð. Það var svo gaman og þetta árið langaði okkur til að endurtaka leikinn. Daginn sem auglýst var opið í Hlíðinni gerði brjál-veður svo ekkert varð úr en þar sem kona þekkir konu var leyfi fengið til að fara á eigin vegum, bara leggja inn á reikning Vindáshlíðar fyrir trénu.

Lögðum af stað í myrkri og mætt við sólarupprás. Ahhh, Hlíðin mín fríða.

Brunakuldi, -7c logn og snjór.

Hittum vinafólk og samnýttum bílkerruna fyrir trén.

Vorum með nesti og heitt í brúsa. Umm, yndislegt. Held að allir hafi verið nokkuð sáttir en þreyttir, Litlimann lagði sig meira að segja í bílnum á heimleið.

Nú bíður jólatréð úti á palli og við inni í hlýjunni að hlaða batteríin fyrir næsta verkefni.

Þar til næst,

XXX

 

Posted with Blogsy

Vika tvö í febrúar

Jahérna, hér. Veðrið er bara ekkert að lagast. Það snjóar og hvassviðri dag eftir dag. Suma daga sést varla milli húsa vegna snjóbylja. Síðan verður allt bjart á milli og sólskin bara. Guði sé lof. Ég er oggupínulítið að bíða eftir vorinu en þá er best að umpotta þessum fáum plöntum sem ég á og vona að vorið og sumarið verði gott.

Saumavélin var tekin upp af illri nauðsyn þar sem ég varð að bjarga danspíunni með breytingar á balletbúningum. Og þar sem saumavélin var komin upp á borð fór ég í smá saumaskap. Ekkert merkilegt svo sem. Ég varð að skoða á netinu hvernið átti að koma bendlaböndum á smekkinn. Ég hef áður saumað svona smekki en var alveg fyrirmunað að rifja upp hvernig ég átti að gera. Smekkurinn varð ekki sem verstur en tókst auðvitað að snúa stykkinu öfugu, veit það bara næst. Hjartað var aftur á móti bara tilraunastarfsemi með efni sem var til í skúffum. Bara krúttlegt ekki satt?

Þar til næst

x

Fyrsta vikan í febrúar

Veðrið hefur verið heldur betur umhleypingasamt síðustu vikuna. Snjókoma, rigning, rok og sólskin sitt á hvað. Sem betur fer er daginn farið að lengja og það er búið að vera yndislegt veður yfir hábjartan daginn. 

Ég prjónaði annað sett af vettlingum sem var í samprjóni í september síðastliðnum. Ég er miklu ánægðari með þessa vettlinga en núna vissi ég hvernig lokaútkoman yrði. Svo prjónaði ég þá með aðeins meiri festu svo að þeir urðu þéttari og fallegri. Garnið er Baby garn frá RAUMA og breytti ég aðeins stroffinu með því að hafa það einlitt. Uppskriftina má nálgast á Ravelry og heitir Soria Moria Vott.

Sundgarpurinn kom, sá og sigraði í Luxemburg. Varð í 3. 8. og 9. sæti á súper sterku Evrópu móti. Hún var nokkuð sátt við að taka við verðlaunum á sjálfan afmælisdaginn. En það er erfitt að taka þátt í svona móti og þegar hún kom heim skreið hún upp í rúm og svaf í 15 tíma.

Þar til næst

x

Á aðventu

Ég er búin að vera að stússast sitt lítið af hverju síðustu daga. Eitt kvöldið, svona þegar ég var að bursta tennurnar fyrir svefninn, fékk ég hugmynd. Ég varð að búa til "mandölu" eins og Lucy í Attic24 var að gera í sumar. En hvað hef ég við enn einn pottaleppinn að gera? Júbb, hann skyldi vera botninn á innkaupatuðru. Sem sagt, verkefni sem er í poka í töskunni sem fer með um allt. Ágætt t.d. þegar ég bíð eftir Litlamann á sundæfingu og á kaffistofunni í vinnunni.

Nema hvað. Þá vantar mig meira garn og þá dró ég fram fínu, flottu garnvinduna mína sem Húsbóndinn gaf mér óvænt í síðasta mánuði. Besta gjöf sem ég hef fengið lengi.

Nú svo eru það smáfuglarnir. Mér finnst svo yndislegt að fylgjast með þeim út um eldhúsgluggann þegar ég er að vinna eldhússtörfin. Ég hef keypt poka með fuglafóðri en bætt svo við niðurskornum brauðendum, eplum eða mylsnunni úr botninum á cornfleksinu. Svo er voða vinsælt hjá fuglunum að bæta við svolítilli fitu til dæmis þeirri sem kemur þegar maður steikir kjöt. Fuglarnir sem koma við hjá mér eru starrar, þrestir og snjótittlingar.

Hér á þessu heimili er ekki hefð fyrir því að standa á haus í bakstri á aðventu. Ég hef þó alltaf bakað einu sinni á aðventu piparkökur, svona meira fyrir börnin gert. Og þetta hefur alltaf verið skemmtilegt. Þetta árið var það bara Litlimann sem hafði áhuga á að taka þátt en skemmtilegast fannst honum uppvaskið.

Og þennan þriðja sunnudag í aðventu sitjum við Litlimann saman með barnaefnið í sjónvarpinu í bakgrunni meðan aðrir fjölskyldumeðlimir kúra undir sæng.

Hann að kljást við púsluspil frá jólasveininum og ég að hekla snjókorn. Yndislegt.

 

 

 

 

 

 

Posted with Blogsy

Jólin

Eftir að ég kom heim frá USA hefur allt verið á OFUR hraða. Ég komst hreinlega ekki yfir allt og hugga mig við að það sé ekki geranlegt að GERA ALLT. 

Það gáfust þó nokkrar ljúfar stundir 

en þess óska ég þér:

Gleðilega hátíð og megir þú eiga margar ljúfar stundir á komandi ári.