21. mars sunnudagur

Um síðustu helgi voru safnadagar í R.bæ. Ég þrammaði um bæinn og frumbruðurinn tók þátt í ljósmyndamaraþoni.

Á sunnudag skoðaði ég vinnustofu / heimili í Njarðvík. Þar eru hjón sem eru að gera ýmislegt skemmtilegt. Heimasíðan þeirra er svo falleg ravendesign.is Krumma hálsmenið er alveg frábært í einfaldleika sínum.

Legghlífarnar eru gerðar af mér, uppskriftin úr bókinni Prjónað á börn. Uppskriftin var ekki alveg sú besta sett fram og stærðir ekki alveg eins og ég vildi hafa þær.

18. mars

Mikið líður tíminn hratt. Litli mann svo lítill fyrir ári síðan.

Miðvikudagur 3.mars

prjónað á litla prins

ég er mætt aftur en erill í daglegu lífi hefur svo mikill að það hefur verið erfitt að koma skipulagi á hugsanir sínar.
Langar til að sýna ykkur litla prins í peysunni sem ég prjónaði á hann... eða sko á eitthvað barn en hann fékk að nota ! Eldri prjónablöð virka oft voða vel því að uppskriftir eru nokkuð nákvæmar en gefa valmöguleika á fleiri garntegundum. Kannski vegna þess að úrvalið var ekki alltaf það sama í öllum landshlutum? úrvalið af garni er þó alveg mergjað jafnvel í kaupfélaginu, maður fyllist bara valkvíða

Kjarakaup III

Kjarakaup III

Fyrri jól hef ég gefið jólagjafakörfur sem ég hef sett ýmislegt góðgæti í.

Bastkörfur af ýmsum stærðum henta vel í þetta
en það eru takmörk fyrir því hvað maður getur notað mikið af slíkum körfum !

Pappapokar geta verið fínir en þeir eru fokdýrir miðað við nýtni.

En viti menn, ég rakst á þennan fína blómakassa í Blómavali á tæplega 1200 krónur.

Eftir að hafa pússað hann og olíuborið er hann svo flottur að ég er að hugsa um að ná mér í fleiri til að eiga í handraðanum í tækifærisgjafir.

Kjarakaup II

Kjarakaup II

Þennan dásamlega dagblaðapoka fékk ég í Nytjamarkaði Rauða krossins við Iðavelli.
Borgaði 500 krónur fyrir hann en fékk líka tvo snjáða en fallega borðdúka og ónotaða svuntu með.

Ég heillaðist að björtu, hreinu og skemmtilegu litunum í honum, ég heklaði bara nýtt band til að hengja hann upp með.

A.S. vildi fá hann við rúmið sitt til að geta geymt bækurnar sem hún er að lesa þá stundina.

Kjarakaup

Kjarakaup dagsins

j

Ég fór með plaggat í innrömmun
sem er ég er búin að vera á leiðinni með að ramma inn í mörg ár.

En þar sem ég var á leiðinni út úr búðinni rakst ég á þessa mynd
á aðeins 500 krónur. Ódýrara en innflutt gjafakort!
Myndin heitir Þjóðfegurð og eftir Írisi en eina sem ég veit um hana
er að hún er héðan úr Keflavík.

Nú er bara að finna rétta staðinn fyrir myndina.

Nýbúi í blogglandi

Ég er komin með blogg. Húrra !